ނިއުމާގެ "ސެލެބްރޭޓިން 20" އޮކްޓޯބަރުގައި ރިލީޒް ކުރަނީ

By




17 އޯގަސްޓް 2016

މަޝްހޫރު ބަތަލާ ނިއުމާ މުހައްމަދުގެ ފިލްމީ ކެރިއަރަށް 20 އަހަރު ފުރުމާ ދިމާކޮށް ބެލުންތެރިންނަށް ހަދިޔާއެއްގެ ގޮތުގައި ދޭން ނިންމި ވީސީޑީ "ސެލެބްރޭޓިން 20" އަންނަ އޮކްޓޯބަރު މަހުގެ ތެރޭގައި ރިލީޒް ކުރަން މަސައްކަތް ކުރަމުން އަންނަ ކަމަށް އޭނާ ބުނެފި އެވެ.
މި ވީސީޑީއަކީ 2014 ގައި ލޯންޗްކޮށް، ހަމަ އެ އަހަރު ރިލީޒް ކުރަން ނިންމި އެއްޗެކެވެ
ކާމިޔާބު އެތައް ފިލްމަކާއި ޑްރާމާތަކާއި ލަވަތަކެއް ކުޅެ އެތައް އެވޯޑެއް ހޯދާފައިވާ ބަތަލާ ފިލްމީ ދާއިރާގައި އުޅޭތާ 20 އަހަރުވީ 2014 ގަ އެވެ. ނިއުމާ ފިލްމީ ދާއިރާ އަށް ނިކުތީ 1994ގަ އެވެ. "ފިލްމީ ކެރިއަރަށް ވިހި އަހަރު ފާހަގަކުރުމާ ދިމާކޮށް 2014 ގައި ސެލެބްރޭޓިން 20 ރިލީޒް ކުރަން ނިންމި ނަމަވެސް މީގައި މަސައްކަތް ކުރާ އެކި މީހުން އެކި ކަންކަމުގައި ބިޒީވުމާއި ފައިނޭންޝަލް ދަތިތަކާ ހެދި އަސްލު މަސައްކަތް މަޑު ޖެހިފައި އޮތީ،" ނިއުމާ ބުންޏެވެ. ބޯނަސް ލަވައަކާ އެކު ޖުމްލަ ނުވަ ލަވަ ހިމެނޭ "ސެލެބްރޭޓިން 20" ގެ މަސައްކަތް ނިންމުމަށް މިހާރު އަމާޒު ހިފާފައިވާ އިރު، ވީސީޑީގެ ތިން ލަވައެއް ނިންމައި، ދެ ލަވަ މިހާރު ވަނީ އާންމުކޮށްފަ އެވެ. އެއީ ނިއުމާގެ އަޑުން ކިޔާފައިވާ "ބެރުވެރިޔާ" އާއި "މޫނޭ ތިއީ ހިތް އެދޭ" އެވެ.

 "މިހާރު އަލުން މަސައްކަތް ފަށައި ގަންނަން މި ތައްޔާރު ވަނީ. ދެ ލަވައެއްގެ ޝޫޓިން އަށް ފުރަން މިހާރު ރެޑީވަމުން މި އަންނަނީ،" ދިވެހިންގެ ތެރޭގައި މަޝްހޫރު ކުރީގެ ލަވަތަކާއި އަމިއްލަ ރާގުގެ ލަވަތައް ވެސް ހިމަނައިގެން ހަދާ ވީސީޑީ އާ ބެހޭ ގޮތުން ނިއުމާ ބުންޏެވެ. 

 "އަދި ފަހަރުގައި އިތުރު ލަވައަކުން ނިއުމާގެ އަޑު ވެސް އިވުން އެކަށީގެންވޭ." އޭނާ ބުނި ގޮތުގައި "ސެލެބްރޭޓިން 20" ބެލުންތެރިންނަށް ދޫކޮށްލާނީ ވީ އެންމެ ރަނގަޅަކަށް މަސައްކަތްކޮށް، ވަރަށް ރީތި، ހިތްގައިމު ލަވަތަކެއް ހިމެނޭ ސީޑީއެއްގެ ގޮތުގަ އެވެ. "ހަމަ ގައިމު ވެސް ބެލުންތެރިން ޑިސަޕޮއިންޓެއް ނުވާނެ މީގެ ހުރި ލަވަތައް ބާލާފައި،" ސޭންޑީގެ ކޮސްޓިއުމްތަކާއި އިސްމާއީލް ޖުމައިހް (ޖުމާ) ގެ މޭކަޕް ފެނިގެންދާ ސީޑީ އާ ބެހޭ ގޮތުން ނިއުމާ ބުންޏެވެ.

 "އޮކްޓޯބަރު މަސް ނިމުމުގެ ކުރިން ވީސީޑީ ރިލީޒް ކުރެވޭތޯ މިހާރު މި މަސައްކަތް ކުރަނީ." "ސެލެބްރޭޓިން 20" ގެ ލަވަތަކުން އަންހެން ތަރިއަކަށް ފެންނާނީ މުޅިން ވެސް ނިއުމާ އެވެ. އެކަމަކު ނިއުމާއާ އެކު ލަވަތަކުން ތަފާތު އެކްޓަރުން ފެނިގެން ދާނެ އެވެ. އަދި ލަވަތަކުގެ ޑައިރެކްޝަން ވެސް ހަދާނީ އެކި ޑައިރެކްޓަރުން ކަމަށް ނިއުމާ ބުންޏެވެ. ކުރިން ނިންމާލި ތިން ލަވައިގެ ޑައިރެކްޝަން ހަދައިފައި ވަނީ "ބެރުވެރިޔާ" ލަވައިން ނިއުމާ އާ އެކު ފެނިގެންދާ އަޖްނާޒް އަލީ އެވެ.




ނިއުމާ ބުނީ "ސެލެބްރޭޓިން 20" އޮކްޓޯބަރުގައި ރިލީޒް ކުރާ އިރު، ފޭނުންނަށް ވަރަށް ހާއްސަ ދެ ސަޕްރައިޒެއް ވެސް ދޭނެ ކަމަށެވެ.


އާރޓިކަލް؛ https://mihaaru.com/entertainment/4623#

Comments

Post a Comment

Popular posts from this blog

Niuma Mohamed ready to quit acting, announces tell-all biography

By
Image
Actress Niuma Mohamed announced that 'Nivairoalhi', her last film, is to be released in October next year Niuma also revealed that she would public a biography detailing her experiences in the film industry, which she said has not 'always been good' Niuma had released 'Celebrating 20' an album containing soundtracks of her films, which also includes a track by her Niuma Mohamed, a veteran of the local film industry since her debut in 1995, said she is ready to ditch the silver screen, before announcing her plans for a last movie and tell-all biography. Niuma celebrated her 40th birthday in an event held in capital city Malé on Friday night, where she earlier said she would announce ‘three surprises’. “I have nothing but well-wishes to give to all those that have worked with me, and nothing to express but the hope that the film industry has a brighter future in store” she said revealing her intent to retire as an actress, t...
Read more >

ފާއިތުވި 23 އަހަރަކީ ފަސޭހަ ދުވަސްތަކެއް ނޫން: ނިއުމާ

By
Image
  21 އޮކްޓޯބަރ 2017 ނިއުމާގެ ހަޔާތުގެ މައްޗަށް ފޮތެއް ނެރެނީ އެ ފޮތް ނެރެނީ އަންނަ އަހަރުގެ އޮކްޓޯބަރުގައި  ނިވައިރޯޅި އަކީ ނިއުމާގެ ފަހު ފިލްމު ފިލްމީ ދާއިރާގައި ހޭދަ ކުރި 23 އަހަރަކީ ފަސޭހަ ދުވަސްތަކެއް ނޫން ކަމަށާއި މިއަދު ހުރި ހިސާބަށް އާދެވުނީ ބޮޑެތި ގޮންޖެހުންތައް ގިރާކުރުމަށް ފަހު ކަމަށް ދިވެހި ފިލްމީތަރި ނިއުމާ މުހައްމަދު ބުނެފި އެވެ. ނިއުމާގެ "ސެލެބްރޭޓިން 20" އަލްބަލް ރިލީޒްކުރުމަށް ރޭ ދަރުބާރުގޭގައި ބޭއްވި ކުލަގަދަ ހަފްލާގައި ވާހަކަ ދައްކަމުން ނިއުމާ ބުނީ، ފިލްމީ ދާއިރާގައި 23 އަހަރު ހޭދަކުރި އިރު އެއީ ދަތި އުނދަގޫތަކާ އެކު ހޭދަކުރި އަހަރުތަކެއް ކަމަށެވެ. އެ ދުވަސްތަކުގައި ގިނަ ބައެއްގެ ފާޑު ކިޔުންތައް ވެސް އަމާޒުވި ކަމަށާއި ކުރިއަށް ދިއުމުގައި އެންމެ ބޮޑު ހިތްވަރަކީ ސަޕޯޓަރުންގެ ފަރާތުުން ލިބުނު ތަރުހީބު ކަމަށް ނިއުމާ ބުންޏެވެ. ނިއުމާ ބުނީ، ބެލުންތެރިންގެ ފަރާތުން ލިބުނު ބިނާ ކުރުވަނިވި ފާޑުކިޔުންތަކަކީ ވެސް ކުރިއަށްދާން ލިބުނު ވަރަށް ބޮޑު ހިތްވަރެއް ކަމަށެވެ. ރޭގެ ހަފްލާގައި ނިއުމާ ވަނީ ފާއިތުވި އަހަރުތަކުގައި ނިއުމާއަށް ހިތްވަރުދީ...
Read more >